 |
 |
 |
 |
 |
|
 |
|||||||||||||||||||||||||||||||||||||||||||
|
Clublied Kearsang Rûnom toer en piip fan it âld fabryk Leit ús doarpke Ikkerwâld Dêr fiele wy ús as in kening sa ryk Dêr is wille foar jong en foar âld Yn it âld Ikkerwâld tusken beamtegrien Dêr bonket it bûnzjende hert Dêr binne it keatsen en reedriden ien Dêr is wille en nocht oan't jûns let De Snûter, symboal foar mei-inoar ien Is krekt ferlyn noch ferboud Troch eigen minsken stien op stien En alles stiet geef en fertroud Kearsang Yn 'e simmer ha wy dêr keatserij By sinne, kjeld en wyn Fammen en jonges dogge allegear mei Foar bêst op en oars efteryn Sa ha wy in bân mei Nut en Nocht Sa is't troch de jierren ûntstien Us âldelju ha ús al safier brocht Wy bin' mei ús erfskip begien Kearsang En komt kening winter wer yn it lân Dan lit ús dat net kâld Dan stappe wy allegear hân yn hân Nei it hert fan ús âld Ikkerwâld De redens dy wurde dêr ûnderbûn De muzyk dy nimt ús mei Wy ride en glide mei de rêgen rûn Op syn moaist wol de hiele dei Kearsang |
|
||||||||||||||||||||||||||||||||||||||||||||
